Денес КЦК имаше привилегија да се дружи со најмладите жители од општина Карпош во градинката “Мајски цвет” која се наоѓа кај Млечен ресторан.
Проф. Елизабета Мискоска-Милевска и проф. Зоран Поповски од Земјоделскиот факултет организираа 6 експериментални катчиња во кои беа поставени неколку опити.
На првата станица неверојатно љубопитните умни главчиња се запознаа со метеоролошката станица која мери брзина на ветер, температура и количина вода од дожд и снег.
На втората станица дечињата се запознаа со Жаре – желка која својот дом го имаше во аквариумот во кој имаше и микроскоп и хранилка и капки за очи.
Третата станица послужи на децата да им се покаже дека и компирот произведува струја.
Во четвртата станица дечињата се запознаа со растење на растенија од семчиња. При тоа беше направена споредба на растенијата и животните.
Следната станица беше наменета за проверка на значењето на витаминот С и докажување на неговото дејство врз ризиците. На оваа станица дечињата набљудуваа разлика меѓу чиста и загадена вода.
И на последната станица децата направија вулкан од сода бикарбона.
И така помина уште еден незаборавен ден во КЦК во друштво со овие прекрасни и умни дечиња.
КЦК изразува голема благодарност до персоналот на градинката кои со својот ангажман придонесоа за овој убав настан на кој ичествуваа над 40 дечиња. Одиме понатаму.

