ПРЕТСЕДАТЕЛКАТА НА КЦК АЛЕКСАНДРА БЛАЖЕВСКА Е ЕДНА ОД ПОБЕДНИЦИТЕ НА КОНКУРСОТ „НАЈООР НАСТАВНИК/НАСТАВНИЧКА ВО 2020“
Фондацијата Отворено општество во периодот од 1.08.2020 до 1.11.2020 организираше конкурс на темата „НајООР наставник/наставничка од основното образование за 2020 година“ чија цел беше да се истакне важноста на користењето отворени образовни ресурси во наставниот процес, и да ја промовира наставничката професија.
Според правилата на конкурсот, експертска комисија, составена од непарен број членови, согласно системот на бодување, изработи ранг- листа на 10 највисоко рангирани наставници и наставнички (на одделни ресурси),на врвот на листата како трето рангирана се најде и нашата претседателка Александра Блажевска која работи во ООУ „Јан Амос Коменски“- Карпош, Скопје. Покрај признанието нашата претседателка доби како награда преносен компјутер – лаптоп и smart табла за училиштето.
Е баш сме горди на нашата претседателка!
Нека оваа награда биде поттик и за другите наставници да вложуваат во себе и да ги споделуваат своите ресурси под лиценца Creative Commons, со цел да го подигнеме квалитетот на образованието во општина Карпош и во нашата држава.